তিনিচুকীয়াৰ ফিল'বাৰীৰ সেই নিৰীহ ৰাজেশ শ্বাহ আৰু কিশোৰী শ্বাহৰ মৃতদেহৰ কাষত পৰিয়ালৰ মানুহ কেইগৰাকীয়ে ইনাই বিনাই কন্দা দৃশ্য দেখি কাৰ হৃদয়ে কন্দা নাই ? কি অপৰাধ সেই দুৰ্ভগীয়া পৰিয়াল টোৰ কোনোবাই কব পাৰিবনে ? নে স্বাধীনতাৰ নামত এনে হত্যাযজ্ঞ কোনো বিদ্বানৰ দৃষ্টিত গ্ৰহণযোগ্য ? সততে ৰাষ্ট্ৰযন্ত্ৰ, দখলদাৰী বাহিনী, সাৰ্বোভৌমত্ব ইত্যাদি শব্দৰে নিজকে অসমীয়াৰ ভাগ্যনিয়ন্তা সজাবলৈ চেষ্টা কৰি থকাসকলে পাৰিবনে ইয়াৰ উত্তৰ দিব ? যদি নোৱাৰে কোনে দিলে আপোনালোকক নৰহত্যাৰ অধিকাৰ ? কোনে দিলে আপোনালোকক আমাৰ ভৱিষ্যতক এক সীমিত পৰিধিৰ মাজত ক্ৰমাত্ আৱদ্ধ কৰাৰ অধিকাৰ ? আপোনালোকৰ কুকৰ্মৰ বাবেই যদি কাইলৈ অসমৰ বাহিৰত অসমবাসীয়ে নিৰাপত্তা হেৰুৱাব লগীয়া হয় , তাৰ বাবে আপোনালোকে দোষ স্বীকাৰ কৰি লৱনে ? আপোনালোকৰ প্ৰয়োজন নাথাকিব পাৰে ভাৰতৰ বাকী ভুখণ্ডৰ ভিতৰলৈ যোৱাৰ ; কাৰণ আপোনালোকৰ উপাৰ্জনৰ অন্য পথ আছে । আনকি তথাকথিত মুলসুতিত থাকিও সেই পথৰে সমৰ্থক হৈ থকা সকলৰো আছে চৰকাৰী সা-সুবিধা । পিছে অসমৰ লাখ লাখ কৰ্মসংস্থাপনহীন যুৱক যুৱতী সকল যে যাৱই লাগিব অসমৰ বাহিৰলৈ ।
ইমানৰ পিছতো যদি অলপ হলেও মানৱীয় গুণ বাকী আছে , তেন্তে সেই নৰহত্যাকাৰী আদৰ্শক আগলৈ ৰাইজৰ সম্মুখত সমৰ্থন কৰিবনে?
ইমানৰ পিছতো যদি অলপ হলেও মানৱীয় গুণ বাকী আছে , তেন্তে সেই নৰহত্যাকাৰী আদৰ্শক আগলৈ ৰাইজৰ সম্মুখত সমৰ্থন কৰিবনে?
No comments:
Post a Comment