#বলি_বিধান_আৰু_অনাহক_বিতৰ্ক।
প্ৰাচীন কালৰে পৰাই ভাৰতবৰ্ষত সনাতন হিন্দু ধৰ্ম তিনিটা মূল ধাৰাৰ মাজেৰে প্ৰবাহিত হৈ আহিছে। শৈৱ, শাক্ত, বৈষ্ণৱ। মোৰ জন্ম যিহেতু এটা শাক্ত পৰিয়ালত হৈছে গতিকে মই শাক্ত সকলে বিশ্বাস কৰা ধৰ্মীয় পৰম্পৰাৰ মাজেৰেই যিমান খিনি পাৰো মানি চলি আহিছো। অৱশ্যে শাস্ত্ৰজ্ঞান একেবাৰে নিমিত্ত। সামাজিক পৰিৱেশৰ পৰা যিখিনি শিকিছো সিমানখিনিয়েই। মন গ'লেই দেৱী মন্দিৰত সেৱা কৰো, শিৱ লিঙ্গত সেৱা জনাও আৰু মন গ'লেই কোনো নামঘৰৰ আগতো মূৰ দোৱাও। কাহানিও কোনো ধৰণৰ দ্বিধাবোধ কৰা নাই।
পূজাৰ মন্ত্ৰবোৰৰ সম্পূৰ্ণ অৰ্থ নাজানো যিহেতু সংস্কৃত ভালদৰে নাজানো। কিন্তু ফলপ্ৰসাদেই হওঁক বা বলিৰ বাবে সাজু কৰা পঠাটোৰ ক্ষেত্ৰতেই হওক, পুৰোহিতে প্ৰথমে উসৰ্গা কৰে বুলি জানো। উসৰ্গা কৰা ফলপ্ৰসাদখিনি আৰু বলিৰ পঠাটো পূজাৰ অন্তত প্ৰসাদ হিচাপে খোৱা হয়। গতিকে মোৰ দৃষ্টিত দুয়োবিধেই খাদ্য।
আমাৰ সমাজত আহাৰ গ্ৰহনৰ সময়ত প্ৰথমতে জ্যেষ্ঠজনক আহাৰ গ্ৰহণ কৰিবলৈ দিয়াৰ পৰম্পৰা এতিয়াও সম্পূৰ্ণৰূপে শেষ হৈ যোৱা নাই। বছৰি আঘোণৰ সোণোৱালী পথাৰৰ সোণগুটি চপাই আনি প্ৰথমে আই লখিমী আৰু ঠাই বিশেষে সমাজৰ জ্যেষ্ঠসকলক মাতি এসাজ খুওৱাৰ পৰম্পৰাও চেগা-চেৰেকাকৈ প্ৰচলিত আছে। এইবোৰ জানো উসৰ্গা নহয় ?
তেন্তে কিহৰ এই বিতৰ্ক ? বাতিত সজাই দিয়া মাংসখিনি দেখি জিভাৰ পানী ৰখাব নোৱাৰাসকলে বলিৰ বিৰোধিতা কৰা দেখিলে হাঁহি উঠে। হাঁহি উঠে দুমুখীয়া চৰিত্ৰ দেখি। বলিৰ পঠাটো যদি নিৰীহ প্ৰাণী ; তেন্তে কচাইয়ে বধ কৰা পঠাটো নিৰীহ নহয় কিয় ? বলিৰ মাংস খাই পৰোক্ষভাৱে কিবা উপকাৰ হয় নে নহয় নাজানো ; কিন্তু প্ৰত্যক্ষভাৱে সিমানখিনিয়েই উপকাৰ হয় যিমানখিনি কচাইৰ পৰা অনা মাংসখিনি খোৱাৰ পিছত হয়। মোৰ দৃষ্টিত মাংসভোজীৰ ওচৰত মাংস মাংসৱেই। সেয়া লাগিলে কচাইৰ পৰা অনা মাংসৱেই হওক বা দেৱী মাক উসৰ্গা কৰি বলি দিয়া পশুৰ মাংসৱেই হওক।
প্ৰাচীন কালৰে পৰাই ভাৰতবৰ্ষত সনাতন হিন্দু ধৰ্ম তিনিটা মূল ধাৰাৰ মাজেৰে প্ৰবাহিত হৈ আহিছে। শৈৱ, শাক্ত, বৈষ্ণৱ। মোৰ জন্ম যিহেতু এটা শাক্ত পৰিয়ালত হৈছে গতিকে মই শাক্ত সকলে বিশ্বাস কৰা ধৰ্মীয় পৰম্পৰাৰ মাজেৰেই যিমান খিনি পাৰো মানি চলি আহিছো। অৱশ্যে শাস্ত্ৰজ্ঞান একেবাৰে নিমিত্ত। সামাজিক পৰিৱেশৰ পৰা যিখিনি শিকিছো সিমানখিনিয়েই। মন গ'লেই দেৱী মন্দিৰত সেৱা কৰো, শিৱ লিঙ্গত সেৱা জনাও আৰু মন গ'লেই কোনো নামঘৰৰ আগতো মূৰ দোৱাও। কাহানিও কোনো ধৰণৰ দ্বিধাবোধ কৰা নাই।
পূজাৰ মন্ত্ৰবোৰৰ সম্পূৰ্ণ অৰ্থ নাজানো যিহেতু সংস্কৃত ভালদৰে নাজানো। কিন্তু ফলপ্ৰসাদেই হওঁক বা বলিৰ বাবে সাজু কৰা পঠাটোৰ ক্ষেত্ৰতেই হওক, পুৰোহিতে প্ৰথমে উসৰ্গা কৰে বুলি জানো। উসৰ্গা কৰা ফলপ্ৰসাদখিনি আৰু বলিৰ পঠাটো পূজাৰ অন্তত প্ৰসাদ হিচাপে খোৱা হয়। গতিকে মোৰ দৃষ্টিত দুয়োবিধেই খাদ্য।
আমাৰ সমাজত আহাৰ গ্ৰহনৰ সময়ত প্ৰথমতে জ্যেষ্ঠজনক আহাৰ গ্ৰহণ কৰিবলৈ দিয়াৰ পৰম্পৰা এতিয়াও সম্পূৰ্ণৰূপে শেষ হৈ যোৱা নাই। বছৰি আঘোণৰ সোণোৱালী পথাৰৰ সোণগুটি চপাই আনি প্ৰথমে আই লখিমী আৰু ঠাই বিশেষে সমাজৰ জ্যেষ্ঠসকলক মাতি এসাজ খুওৱাৰ পৰম্পৰাও চেগা-চেৰেকাকৈ প্ৰচলিত আছে। এইবোৰ জানো উসৰ্গা নহয় ?
তেন্তে কিহৰ এই বিতৰ্ক ? বাতিত সজাই দিয়া মাংসখিনি দেখি জিভাৰ পানী ৰখাব নোৱাৰাসকলে বলিৰ বিৰোধিতা কৰা দেখিলে হাঁহি উঠে। হাঁহি উঠে দুমুখীয়া চৰিত্ৰ দেখি। বলিৰ পঠাটো যদি নিৰীহ প্ৰাণী ; তেন্তে কচাইয়ে বধ কৰা পঠাটো নিৰীহ নহয় কিয় ? বলিৰ মাংস খাই পৰোক্ষভাৱে কিবা উপকাৰ হয় নে নহয় নাজানো ; কিন্তু প্ৰত্যক্ষভাৱে সিমানখিনিয়েই উপকাৰ হয় যিমানখিনি কচাইৰ পৰা অনা মাংসখিনি খোৱাৰ পিছত হয়। মোৰ দৃষ্টিত মাংসভোজীৰ ওচৰত মাংস মাংসৱেই। সেয়া লাগিলে কচাইৰ পৰা অনা মাংসৱেই হওক বা দেৱী মাক উসৰ্গা কৰি বলি দিয়া পশুৰ মাংসৱেই হওক।
No comments:
Post a Comment