জাপানীজ এনকেফেলাইটিজৰ প্ৰতিষেধক আৰু অবাঞ্ছিত পৰিস্থিতি ।

জাপানীজ এনকেফেলাইটিজৰ প্ৰতিষেধকক লৈ যি অবাঞ্চিত পৰিস্থিতিৰ সৃষ্টি হৈছে বা জন্ম নিৰোধক বুলি যি উৰাবাতৰি প্ৰচাৰ হৈছে । তাৰ মূলত কিন্তু কেৱল অশিক্ষিত মানুহৰ অন্ধবিশ্বাস দায়ী নহয় । যদি অশিক্ষিত মানুহৰ অন্ধবিশ্বাসেই ইয়াৰ কাৰণ হলহেতেন , তেন্তে সেই অঞ্চলৰ মানুহ বিলাকে কাহানিও বেজী লোৱাৰ উদাহৰণ নাথাকিলহেতেন । আমি সকলোৱে জানো যে যিবোৰ অঞ্চলত এই বিশেষ বেজীটোক লৈ উৰাবাতৰিৰ প্ৰভাৱ পৰিছে সেই অঞ্চলৰ মানুহবোৰেও ইমানদিন কিন্তু ডাক্তৰ অথবা লোকেল ডাক্তৰ (ফাৰ্মাচী) ৰ পৰা বেজী লৈ আহিছিল । গতিকে এয়া বেজীৰ প্ৰতি থকা অন্ধবিশ্বাস হব‌ই নোৱাৰে ।
                   এই উৰাবাতৰি প্ৰচাৰৰ আৰত নিশ্চতভাৱে একেবাৰে অশিক্ষিত মানুহখিনি জড়িত নহয় । ইয়াৰ আৰত আছে কিছু জনা-বুজা, শিক্ষত আৰু কিছু অৰ্দ্ধ-শিক্ষিত লোক । যি সকলে কোনো নিকৃষ্ট ৰাজনৈতিক পৰিকল্পনা অনুযায়ী এই অপপ্ৰচাৰ চলাইছে সেইসকলৰ মাজত , যিসকল অশিক্ষিত মানুহে চিৰকাল এইসকলক সৰ্বজান্তা বুলি ভাৱি ভুল কৰি আহিছে । ৰাজনৈতিক কাৰকৰ কথা এই কাৰণেই ধাৰণা কৰিছো যে কিছুমানৰ মতে এই বেজী RSS ৰ বেজী আৰু বন্ধ্যাকৰণৰ উদ্দেশ্যেহে এই বেজী দিব ওলাইছে বিজেপিৰ চৰকাৰখনে । গতিকে বিজেপিৰ প্ৰতি এচাম মানুহৰ মাজত পূৰ্বৰে পৰা প্ৰচলিত প্ৰচাৰ বা অপপ্ৰচাৰত আৰু অলপ সংযোগ কৰাৰ চেষ্টা যেন কৰা হৈছে এই অপপ্ৰচাৰৰ যোগেদি ।
               এনে ধৰণৰ ঘটনাক উদ্দেশ্যপ্ৰণোদিত অপপ্ৰচাৰ বুলি এইকাৰণেই কৈছো যে পূৰ্বতেও এনে ধৰণৰ অপপ্ৰচাৰৰ সাক্ষী আছিলো । বিশেষকৈ ৰাভা হাছঙৰ আন্দোলনৰ সময়চোৱাত । সেই সময়ত ৰাভা- অনাৰাভা সংঘাটৰ মূলতে আছিল এই ধৰণৰে অপপ্ৰচাৰ । বহু জনা বুজা মানুহৰ মুখতো ৰাভা হাছঙক লৈ উদ্ভত মনেসজা মন্তব্য শুণি আচৰিত হৈছিলো । পিছে ৰাভা হাছঙৰ পৰিষদ গঠণৰ পিছত কি হল সেয়া সেই সময়ত অপপ্ৰচাৰত ভাগ লোৱা সকলেও দেখিছে ।
                শেষত ক‌ওঁ যে অশিক্ষত নুবুজা মানুহখিনিত বুজোৱাৰ দায়িত্ব আমাৰ দৰে অলপ জনা-শুণা আৰু আমাতকৈও অধিক জনা-বুজা মানুহখিনিৰে । আমিয়েই যদি অশিক্ষিত মানুহখিনিক বুজোৱাৰ সলনি এই ধৰণৰ বিকৃত অপপ্ৰচাৰত ভাগ ল‌ওঁ , তেন্তে সমাজখন জহান্নামে যাবলৈ কি বাকী থাকিব । গতিকে সকলোৱে নিজৰ কাষৰ জনক আচল কথাবোৰ বুজোৱাৰ চেষ্টা কৰক । কেৱল এই বেজীটোৰ বিষয়তে নহয়, অইন বিষয়তো ।